ESPOSICIÓN DE COMICS N’ASTURIANU NA CASA LA CULTURA DE NAVA 21-01-2010 GTM 2 @ 10:57
elsolanu — Tags: concursu cómic n'asturianu comarca sidra jose gonzalez garcía obres premiaes navaHasta’l 29 d’esti mes van poder vese, na Casa la Cultura de Nava, les obres premies y seleicionaes nel séptimu concursu de comic n’asturianu, comarca de la sidra, organizáu pol serviciu de mocedá y la oficina de normalización llingüística, col patrociniu de Cajastur. Nesta edición acabó premiáu l’autor mierense José Gonzalez García, cola obra Nel día de la victora, ambientá nun Nueva York en ruines. Sacaron los accesits Enrique Carballeira y Diego Bernardo Álvarez.
Esbilla
del.icio.usJOSÉ JUAN GONZÁLEZ GARCÍA GANA'L VII CONCURSU DE CÓMIC N'ASTURIANU COMARCA DE LA SIDRA 09-12-2009 GTM 2 @ 15:43
elsolanu — Tags: concursu comic asturianu comarca sidraEl xuráu de la séptima edición del Concursu de Cómic n'asturianu Comarca de la Sidra, otorgó'l primer premiu, dotáu con 500 euros, a la historieta Nel día la vitoria, una siniestra hestoria ambientada nun Nueva York en ruines. El so autor ye'l mierense José Juan González García. Tamién foron premiaos Enrique Carballeira y Diego Bernardo Álvarez.
DÍA DE LES CIENCIES ASTURIANES 04-11-2009 GTM 2 @ 11:21
elsolanu — Tags: dia ciencies asturianu facultá bioloxía xenoma humano xose maría martinezLa segunda edición el Día de les Ciencies Asturianes va celebrase'l próximu martes 10 de Payares, a partir de les doce hores nel salón de graos de la facultá de bioloxía. Esti añu va tar protagonizáu por Xosé María Fernández, biólogu que ganó l'añu pasáu'l premiu "Máximo Fuertes Acevedo" cola obra Homo Sapiens: la epopeya d'un llinaxe, obra que se va presentar al públicu dientro d'esta xornada, enantes de que'l so autor dea la conferencia ¿Onde tamos depués de venti años col xenoma humano.
PAÍS, DE DOLFU CAMILO DÍAZ, ESTI SÁBADU NEL TEATRU RIERA 03-11-2009 GTM 2 @ 11:11
elsolanu — Tags: país dolfu camilo teatru asturianu riera
La obra n'asturianu País de Dolfu Camilo Díaz, va ser representada esti sábadu a les ocho nel teatru Riera de Villaviciosa, baxo la direición y puesta n'escena d'Andres Presumido. País ye una de les obres fundamentales dientro del teatru escritu nos últimos años na nuestra llingua. Sotitulada como "traxicomedia asturiana", la obra constitúi una interesante reutilización dende un puntu de vista modernu de munchos elementos presentes nel teatru popular asturianu. Nella'l protagonista ye un mineru sindicalista con tolos tópicos de descreitu: vagu, blasfemu, machista, borrachu, violentu y farrucu.
L’ACADEMIA DE LA LLINGUA CELEBRA UN AÑU MÁS LES SOS XORNAES INTERNACIONALES D’ESTUDIU 29-10-2009 GTM 2 @ 11:50
elsolanu — Tags: xornaes d'estudiu academia llingua
El martes 4 de payares l’Academia va inaugurar na Facultá de Filoloxía d’Uviéu la edición XVIII de les sos Xornaes Internacionales d’Estudiu. Les xornaes, de llibre asistencia, y con certificáu d’asistencia pa los que s’apunten, van entamar esi mesmu día y van durar hasta’l xueves 6, dientro d’una programación enllena de conferencies alredor de la llingua y lliteratura asturiana, desde un puntu de vista tanto actual como históricu. El programa completu podéis atopalu na mesma páxina de l'academia.
CONVOCATORIA A LOS ESCRITORES N'ASTURIANU DE LA COMARCA LA SIDRA 27-10-2009 GTM 2 @ 13:55
elsolanu — Tags: antoloxía autores n'asturianu comarca sidra llibru cartafueyuCol envís d'editar un llibru-cartafueyu qu'antologue la lliteratura n'asturianu que se ta escribiendo anguaño na Comarca de la Sidra, el Serviciu de Normalización Llingüística de la Mancomunidá convida a tolos escritores de la comarca interesaos en participar a unviar les sos participaciones en forma de poesía (con una estensión perbaxo de los 100 versos) o rellatu breve (trés fueyes como máximu). Les collaboraciones han enviase per meil a normastur@lacomarcadelasidra.com, o bien per correu al Serviciu de Normalización Llingüística MAN.CO.SI. Paraes, nº47 33529.
ÚLTIMES SELMANES DE PLAZU PA PRESENTASE AL CONCURSU DE COMIC N’ASTURIANU “COMARCA DE LA SIDRA” 23-10-2009 GTM 2 @ 09:36
elsolanu — Tags: concursu comic asturianu comarca sidra últimos díesTovía hai plazu, hasta’l 13 de payares, pa presentase a la séptima edición del Concursu de Comic n’Asturianu “Comarca de la Sidra”. Nél pueden participar persones de cualquier nacionalidá, mayores de 14 años, con obres orixinales de tema y técnica llibre, con testos escritos n’asturianu. Los trabayos han entregase nel Serviciu de Normalización Llingüística de la Mancomunidá de la Comarca de la Sidra o nes Oficines d’Información Xuvenil de la comarca. Les bases completes podéis atopales na Web del Serviciu de Mocedá de la Comarca.
ESPOSICIÓN "ARROZ, AGUA Y MAÍZ" NA CASA LA CULTURA MªJOSEFA CANELLADA DE SANTOLAYA 22-10-2009 GTM 2 @ 09:26
elsolanu — Tags: conceyos cabranes esposición arroz agua y maíz berta piñánPa quien nun la pudo ver nel reciente Festival del llibru infantil y xuvenil, la esposición al rodiu de la obra de Berta Piñán Arroz, agua y maíz va tar estes selmanes na casa la cultura-biblioteca Maria Josefa Canellada, en Santolaya (Cabranes).
UMBRAL 09 21-10-2009 GTM 2 @ 11:08
elsolanu — Tags: programa umbral conseyu asesor muyeresUMBRAL 2009
El Conseyu Comarcal de Muyeres de la Comarca de la Sidra entama esta
iniciativa llamada UMBRAL, que tien l’oxetivu d’implicar a entidaes,
empreses y particulares nes actuaciones y actos organizaos pol Conseyu,
col envís de sensibilizar pa la igualdá d’oportunidaes ente muyeres y
homes. UMBRAL 2009 tien la idea d’implicar nesta ocasión al sector
artesanal de la Comarca de la Sidra, polo que convoca a participar a toles
muyeres inscrites nel Rexistru d’Empreses y Talleres Artesanos del
Principáu d’Asturies a participar con una pieza na primer edición d’esta
iniciativa. La convocatoria ta abierta a artesanes y artesanos de toles
especialidaes, que van poder participar de forma individual o colectiva,
con una pieza única, non seriada, fecha sobre’l tema “La violencia
escontra les muyeres”.
Les pieces pueden presentase na sede de la mancomunidá del 1 al 13 de
Payares, y con elles fadráse una
esposición itinerante que va recorrer los distintos espacios y centros
culturales, amás de formar parte d’una publicación divulgativa sobre la muestra. Les bases completes podéis atopales en http://www.comarcajoven.com/ficheros/BASES_UMBRAL.pdf
ENREDAR EN NAVA 20-10-2009 GTM 2 @ 14:20
elsolanu — Tags: programa enredar nava comarca sidraUna trentena d’actividaes distintes ye lo que propón ENREDAR na Seronda pa estos meses d’ochobre, payares y avientu. Xunto con tola propuesta d’ociu y cultura qu’ufierta la Casa la Cultura Marta Portal, el Serviciu de Deportes, el telecentro y otres estayes del Ayuntamientu, completen una gran ufierta de propuestes pa esti fin d’añu. El programa completu podéis atopalu en www.comarcajoven.com
