el Solanu

Esti xueves 2, a les ocho y media na Casa la Cultura de Santuyano, el grupu de Teatru de Carbayín va representar la so obra "Ello yera una vez...", una pieza que, según esplica'l propiu grupu na so páxina web, "cunta la historia de cuatro neños na Asturies de 1947, y de la revolución que supón nel zarráu grupu la llegada d'una neña nueva. Con ella toparán por vez primera nuevos sentimientos, como los celos, l'amor...."
"La obra ta dividía en varios cuadros independientes y a la vez rellacionaos ente si, onde se toquen temes tan asturianos como los cordobeyos, l'antroxu o l'aguilandu. Al traviés de los güeyos y xuegos de los protagonistes va descubriéndose la manera de vivir nuna dómina bien diferente de la de güei."

Detrás d'esti grupu de teatru de Carbayín, que cunta yá con una trayectoria de cuasi 30 años, escuéndese anguaño la figura de Jose Rámón Oliva, director y autor de la mayoría de les obres que representen, y uno de los principales anovadores del teatru costumista asturianu n'actualidá.

Apurrímosvos un cachiquín de 'Chez Telva', ún de los sos últimos montaxes:

Esbilla | del.icio.us

Dexar un comentariu