MÚSICA N'ASTURIANU PA LES FIESTES DEL PORTAL DE LA VILLA
La música cantada n'asturianu va tener el so sitiu nes fiestes del Portal, qu'entamen esti vienres que vien en Villaviciosa, día nel que un bon collaborador d'esti serviciu, Lluis Portal, va ser l'encargáu de dar el pregón de los festexos.
El llunes 14 de setiembre a les 21:00 hores el cantautor asturianu Rafa Lorenzo, acompañáu d'un grupu de músicos y actores va presentar el so conciertu espectáculu VOI PA LA BRAÑA. El más puru folk vaqueiru,entreteníu y danzarín, acompañáu col recitáu de dellos
poemes del Padre galo y l'acabante de fallecer Nené Losada, faciendo
tamién homenaxe a la xuglaresa de les brañes Rogelia Gallo "la vaqueira".
Aparte d'ello, el martes 15, dientro de la programación de conciertos que pa les fiestes tien programaes la cervecería La Bodega, va tar dedicáu a los grupos n'asturianu, cola actuación del La Tarrancha, Skama La Rede, K-Nalón y Gomeru a partir de les 21:30.
Esbilla
del.icio.us
Nun hai comentarios »